የመንገድ ደህንነት ለልጆች

Written by  Tuesday, 24 March 2015 06:41
Rate this item
(0 votes)
የመንገድ ደህንነት ለልጆች
 

 

ይህ የልጆች የመንገድ ደህንነት ተብራርቶ የቀረበው ለወላጆችና ለልጆች ነው፡፡ ልጆች መንገድ ላይ ደህንነታቸው እንዲጠበቅ የሚረዳ ነው፡፡

ልጆች ያዩትን ነገር ለመሞከር ወይም ለማድረግ ፈጣኖች ናቸው፡፡ ስለሆነም ወላጆች ጥሩ ምሳሌ መሆን አለባቸው። ለልጆቻቸውም የመንገድ ደህንነትና ስነስርአት በጊዜው ማስተማር መጀመር አለባቸው፡፡

የመንገድ ደህንነት በሁሉም እድሜ ላሉ ማስተማር ጠቃሚ ነው፡፡ ልጆች በሚያድጉ ጊዜ በግላቸው ውሳኔ መወሰንና በተሳሳተ መልኩ ደግሞ ሁሉንም ነገር እንደሚያውቁ ያምናሉ፡፡ ስለሆነም የመንገድ ደህንነት በቀላሉ መታየት የሌለበት ጉዳይ እንደሆነና ህጉንም መጣስ እንደማይቻል በጥብቅ ማወቅ አለባቸው፡፡

 

ልጆች የተለየ አመለካከት ይፈልጋሉ ምክንያቱም፡-

 

ልጆች በተፈጥሮ ደፋሮችና አንድን ነገር ለመሞከር ፈጣኖች ስለሆኑ ለአደጋ የተጋለጡ ናቸው፡፡

አብዛኛውን ጊዜ ከልጆች ጋር ተያያዥነት ያላቸው አደጋዎች የሚያጋጥሙት ከመኖሪያ ቤታቸው አቅራቢያ ነው፡፡

ለአደጋ ተጋላጭነታቸው የሚጨምረው ደግሞ የሁለተኛ ደረጃ ተማሪዎች ሲሆኑ ነው፡፡

ምን መጠንቀቅና ምን ማድረግ ወይም ምን መስማት ማንን መከተል እንዳለባቸው አያውቁም፡፡

ነፃነትን ማጣጣም ይፈልጋሉ፡፡

ፈጣኖችና የማይጨበጡ ናቸው፡፡

በቀላሉ ሃሳባቸው ይሰረቃል፡፡

 

የነፃነት መንገዶች

 

ልጆችን በሚገባቸው ቋንቋ ማውራት፡፡

የመንገድ ደህንነት የትራፊክ ፍሰቱ አነስተኛ በሆነ መንገድ ላይ ስለ ትራፊክ ደሕንነት ትምህርት ማስተማር ፡፡

ብቻቸውን እንዲሻገሩ ከመፍቀድዎ በፊት መጀመሪያ ይፈትንዋቸው፡፡

የትራፊክ ፍሰት ያላቸው መንገዶች ላይ ከልጆችዎ ጋር አብረው መሻገር፡፡ ይህንንም ደጋግሞ ማድረግ፡፡

በመንገዱ ላይ በህገወጥ መንገድ የሚያሽከረክሩትን እየለዩ ምን ዓይነት ጥፋት እየሰሩ እንደሆነና ጥፋቱ እንዴት እንደሚስተካከል ለልጆችዎ ማሳየት፡፡

ልጆችዎ ብቻቸውን እንዲጓዙ ከመፍቀድዎ በፊት ችግር ቢፈጠር እንዴት መወጣት እንዳለባቸው ማሳወቅ፡

 

ከወላጆች ወይም ከአዋቂዎች የሚጠበቅ

 

ልጆችዎን በማንኛውም የትራፊክ እንቅስቃሴ ምን ማድረግ እንዳለባቸው ማሳየት፡፡

እውቀታቸውና ችሎታቸውን ተጠቅመው አደገኛ የሆኑ ክስተቶችን በንቃት እንዲከታተሉ ማድረግ፡፡

የልጆችዎን ደህንነት ለመጠበቅ በመንገድ ሲጓዙ እጃቸውን መያዝ፣ በመኪና ውስጥ ቀበቶ ማሰር፣ ብስክሌት ሲነዱ ደግሞ የአደጋ መከላከያ ኮፍያቸውን እንዲያደርጉ ማሳሰብ፡፡

በተገኘው አጋጣሚ ሁሉ ስለ መንገድ ደህንነት ማሳወቅ፡፡

ስለ ደህንነት ማውራት ብቻ ሳይሆን በደህንነት ላይ ያላቸውን ንቃት መከታተል፡፡

 

ከሁሉም በላይ በልጆችዎ አይተማመኑ

አዋቂዎች በልጆች ደህንነት ኃላፊነት አለብን፡ የእግር መንገድ ሲሄዱ፣ ብስክሌት ሲነዱ፣ ሲጫወቱና በመኪና ሲሄዱ።

ለልጆች

 

መጀመሪያ የምትሄዱበትን አቅዱ

ወዴት እንደምትሄዱ እርግጠኛ ሁኑ

ጥሩ የሆነውን መንገድ ምረጡ

ለራሳችሁ ሰፊ ጊዜ ስጡ

 

በእግር በምትጓዙ ጊዜ

 

በእግረኛ መሄጃ ብቻ ተጓዙ፡፡

የእግር መሄጃ ምልክት ከሌለ ቀኛችሁን ይዛችሁ ተጓዙ ምክንያቱም ወደ እናንተ የሚመጡትን መኪኖች ማየት እንድትችሉ፡፡

መጠምዠዣ ቦታ ላይ እና የትራፊክ መጨናነቅ ባለበት ቦታ ላይ ከፊትና ከኋላ ሁኑ፡፡

ከሩቅ መንገዱ ካልታያቹ በጥንቃቄ ተጓዙ፡፡

ብስክሌት፣ መኪና የመሳሰሉትን ስትሻገሩ ተጠንቀቁ ምክንያቱም በቀስታ እየተጓዙ ቢሆን እንኳ ሙሉ በሙሉ ሊያስቆማቸው የሚችል ፍሬን ስለማይኖራቸው አደጋ ሊያደርሱ ይችላሉና፡፡

ከታናናሾቻችሁ ጋር እየተጓዛችሁ ከሆነ በምትሻገሩ ሰዓት እጃቸውን ያዝዋቸው፡፡

በመኪና መንገድ ሳይሆን በእግረኛ መንገድ መሃሉን ይዛችሁ በቀጥታ ተጓዙ። በመኪና ስትጉዋዙ ደግሞ ቀበቶ ኣስራችሁ መሃል ወንበር ላይ ተቀመጡ ምክንያቱም በድንገት የመኪናው በር ሊከፈት ይችል ይሆናል፡፡

በመጫወቻ ቦታ እንደምትጫወቱት ዓይነት በመኪና መንገድ ላይ እንዳታደርጉ፡፡

ጓደኞቻችሁ  በሌላኛው መንገድ ሆነው ቢጠሩዋችሁ ሳትጣደፉ መኪና አይታችሁ ተሻገሩ፡፡

ጓደኞቻችሁን ለአደጋ የሚያጋልጥ ምንም ነገር እንዲያደርጉ አታበረታቷቸው፡፡

 

የእግር ጉዞ በምሽት

 

አሽከርካሪዎች እንዲያይዋችሁ ምንግዜም ነጣ ያለ ልብስ ልበሱ፡፡

በአስቸጋሪ የአየር ሁኔታ አትውጡ፡፡

ቀለማቸው የሚንያንፀባርቅ መሳርያዎች ጥሩ ናቸው ምክንያቱም በቀንም  ሆነ በጨለማ ስለሚታዩ፡፡

 

የመኪና መንገድን እንዴት በሰላም እንደምንሻገር

መጀመሪያ አስበው - ያቅዱ

 

ለመሻገር የሚመች ሁነኛ ቦታ መርጠው ይቁሙ፡፡

የዜብራ መሻገሪያ፣ የትራፊክ መብራት፣ ትራፊክ ባለበት መኪኖች ሲቆሙ እግረኛ በሚሻገርበት ሰዓት መሻገር፡፡

በመንገዱ ላይ  የዜብራ መሻገሪያ፣ የትራፊክ መብራት፣ ትራፊክ ከሌለ ግን በሁሉም አቅጣጫ መንገዱን ማየት የሚችሉበትና አሽከርካሪዎችም እርስዎን ማየት የሚቻላቸው ቦታ መርጠው ይሻገሩ፡፡

መጠምዘዣ ቦታዎች ላይ አይሻገሩ፡፡

ቁም ! 

 

ከመኪኖች ራቅ  ብላችሁ ወደ ሌላኛው አቅጣጫ በሚያሻግረው ቦታ ላይ ቁሙ ነገር ግን መንገዱን ሁሉ ማየት የሚችሉበት ቦታ ይሁን ከመኪና ራቅ ያለ መቆምያ ባይኖርም፡፡

አይቸኩሉ ለራስዎ ጊዜ ሰጥተው በደንብ አይተው ይሻገሩ፡፡

 

ይመልከቱ ' ያዳምጡ

 

የትራፊክ ፍሰቱን በሁሉም አቅጣጫ ተመልከተው ያዳምጡ፡፡ ኣይን የሳተውንጆሮ ያገኘዋልና።

 

ለመሻገር እስከሚቻል ድረስ ጠብቁ

 

በትእግስት መኪኖቹ እስከሚያልፉ ጠብቁ፡፡

ሰፋ ያለ የመሻገሪያ ክፍተት ሲያገኙና በቂ የመሻገሪያ ሰዓት እንዳለዎ  ሲያውቁ ይሻገሩ፡፡

እርግጠኛ ካልሆኑ ግን እንዳይሻገሩ፡፡

 

በደንብ አይተው ይሻገሩ

 

ለመሻገር እንደሚችሉ ካረጋገጡ በኋላ ይሻገሩ፡፡

በመሻገር ላይ ባሉበት ሰዓትም በደምብ እያዩና እያዳመጡ ይሻገሩ፡፡

ማሳሰብያ፡- ሲሻገሩ እንዳይሮጡ !

 

የቆሙ መኪኖች ባሉበት መሻገር

 

በቆሙ መኪኖች መካከል አይሻገሩ፡፡

 

አማራጭ ከሌሎት ግን፡-

 

በሁለት የቆሙ መኪኖች መካከል በቂ የማለፍያ ቦታ እንዳለ ያረጋግጡ፡፡

ለመውጣት የተዘጋጀ መኪና አለመኖሩን ማየት ፡ መኪና ውስጥ ሹሬሩ መኖሩንና መብራት መብራቱን፡ ከዚያም የሞተር ድምጽ መኖሩን ማዳመጥ፡፡

ሾፊሩ እንዲያይዎ መሞከር፡ይህንንም በተቻለ ማረጋገጥ።

በቀላሉ ወደ ሌላኛው መንገድ መሻገር እንደሚችሉ እርግጠኛ መሆን፡፡

መኪኖች የቆሙበትን ቦታ አልፈው እንደጨረሱ ይቁሙ፡፡

በቀኝም በግራም መኪና እንደሌለ ይመልከቱ፡፡

 

ከሁለት  መስመር በላይ ያላቸውን መንገዶች እንዴት እንደምንሻር

 

አንዳንድ መንገዶች ሰፊ መንገድ ወይም ሶስትና አራት አሰፋልቶች አሏቸው፡፡

እያዳንዳቸውን መኪና ኣለመኖሩን በተናጥልና በጥንቃቄ  መመልከት፡፡በስንተኛው መስመር ላይ ተሽከርካሪ እንዳለም ማረጋገጥ።

 

በዜብራ መሻገር

 

የዜብራ መሻገሪያ ካለ ምንግዜም በዛው እንሻገር፡፡

ከመሻገርዎ በፊት ግን መንገዱ ዳር ይቁሙ መኪኖች እርስዎን ለማሻገር መቆማቸውን ያረጋግጡ፡፡ ምን ጊዚም እግረኛ ቅድሚያ እንዳለው ሕጉ ቢደነግግም ይህ ብዙም ባልዳበረበት( ብዙም በማይታወቅበት)ህብረተሰብ ውስጥ ያሉ በመሆንዎ

 እርስዎ ለራስዎ ጥንቃቂ ወስደው በሁለቱም በኩል መኪኖች መቆማቸውን ካረጋገጡ በኋላ በዜብራው ላይ ይሻገሩ፡፡

በጥንቃቄ መመልከትዎንና የሞተር ድምጽ ማዳመጥዎን(አለመስማትዎን) አይዘንጉ። ምክንያቱም እርስዎን ያላየ ወይም ግዲለሽ ሹፌር ሊኖርስለሚችል፡፡

ማሳሰብያ፡- አስፋልቱ እርጥብ ከሆነ መኪኖች ፍሪን ለመያዝና ለማቆም ጊዜ ይወስድባቸዋል(ያንሸራትታቸዋል)።ስለዚህ ከመሻገርዎ በፊት መኪናው መቆሙን ያረጋገጡ።

 

በረዶ የቀላቀለ ዝናብ በዘነበ እና መሪቱ በረጠበ ጊዚ እንዴት እንደምንሻገር

 

አብዛኘውን ጊዜ መኪኖች እንደዚህ ዓይነት ነገር ሲያጋጥም በአንድ መስመር ነው የሚሄዱት፡፡

የሚያልፉ መኪኖችን ይጠንቀቁ፡፡

መኪኖች ይቆማሉ ብለው እንዳያስቡ፡፡

ከመሻገርዎ በፊት መኪኖች መቆማቸውን ያረጋግጡ፡፡

 

ትፊራክ ወይም ፖሊስ ያለበት የትምህርት ቤት መሻገርያ

 

በትምህርት ቤት አካባቢ ትራፊክ ባለበት ቦታ ትራፊኩ ወይም (ተማሪው ትራፊክ) ተሻገሩ የሚል ምልክት እስከሚሰጥ ድረስ መቆም ግድ ነው።

ትራፊክ የሚያዛችሁን ነገር አክብሩ ስትሻገሩም በትራፊኩ ፊት ለፊት ተሻገሩ፡፡

በባለአንድ መስመር መንገድ መሻገር

 

መኪኖቹ በየትኛው አቅጣጫ እየሄዱ እንደሆነ ማረጋገጥ፡፡

ለመሻገር እርግጠኛ እስኪሆኑ ይጠብቁ፡፡

ብስኬሌት መንዳት

 

ብስክሌት በመንዳት ተዝናኑ ግን ሁልጊዜም እነዚህን ማሳሰብያዎች አስታውሱ

ዋናዎቹ፡-

 

ስልጠና ወስደው ካልሆነ በመኪና መንገድ ላይ ብስክሌት አይንዱ፡፡

ብስክሌት ለመንዳት ከመውጣታችሁ በፊት ከወላጆቻችሁ ወይም ከአዋቂዎች ጋር የትኛው መንገድ እንደሚሻል ተወያዩ፡፡

በብስክሌቱ በስተኋላና ከፊት በኩል አንጸባራቂዎች እንዳሉ ማረጋገጥ፡፡ ከሊለም እንዲኖር ማድረግ።

አንጸባራቂዎቹን በንጽህና መያዝና በላያቸው ላይ ምንም ነገር አለመለጠፍ፡፡

እቃ መያዝ ከፈለጉ የብስክሌት ዕቃ ማስቀመጫ ማድረግ፡፡

ልብስዎት ካቴናና ጎማ ውስጥ የማይገባ ዓይነት ይሁን፡፡

የሚመች ጫማ አድርጉ ነጠላ ጫማ አይሆንም፡፡

ከቁመታችሁ ጋር የሚስማማ ብስክሌት ይሁን ምክንያቱም በጣም ካነሰም ከተለቀም ሚዛኑን አይጠብቅም ስለዚህ አደገኛ ነው፡፡

 

ከመጀመራችሁ በፊት

 

ፍሬኖቹ በደንብ እንደሚሰሩ ማረጋገጥ ጎማዎቹም አለመተንፈሳቸውንም ማየት፡፡

የአደጋ መከላከያ ኮፍያ አድርጉ አደጋ ቢያጋጥማችሁ ይከላከላል፡፡

ለዓይን የሚታይ ልብስ ልበሱ ምክንያቱም መኪና አሽከርካሪዎች እንዲያይዋችሁ፡፡

 

በጨለማ ብስክሌት መንዳት

 

በጨለማ ብስክሌት አለመንዳት ይመከራል፡፡

በጨለማ ከነዱ አንፀባሪቂ ወይም ፈካ ያለ ቀለም ልብስ ልበሱ፡፡

አንጸባራቂዎቹንም ማጽዳት ኣይርሱ፡፡

 

በምትነዱ ጊዜ

 

ከመጀመራቹ ወደፊት  ተመልከቱ ብስክሌቱ በትክክል እንደሚሰራ ሞክሩት፡፡

የትራፊክ መብራቶችን አክብሩ፡፡

ምን ልታደርጉ እንደሆነ የሚያሳይ በቀላሉ የሚታወቅ የእጅ ምልክት ስጡ፡፡

ምልክት ለመስጠት ካልሆነ እጃችሁን ከመሪዎቹ ላይ አታንሱ፡፡

ስትጠመዘዙ ለእግረኞች ቅድሚያ ስጡ ምክንያቱም እግረኞች በቀኝ በኩል ስለሚጓዙ፡፡

በምትነዱ ሰዓት ሌላ መኪና ወይም ብስክሌተኛ በእጃችሁ አትያዙ(አትደገፉ)፡፡

ብስክሌት የመንዳት ልምድ ቢኖራችሁም ሌላ ሰው በብስክሌት ጭናችሁ አትሂዱ፡፡

የመኪና መጨናነቅ ቢኖርም ባይኖርም ከሁለት በላይ ጎን ለጎን አትሂዱ ሁዋላና ፊት  ተከታትላችሁ ሂዱ፡፡

የተራፊክ መጨናነቅ ባለበት መንገድ ወደቀኝ መጠምዘዝ ከፈለጋችሁ በግራ እግራችሁ በኩል ቁሙ ለመጠምዘዝ የምትችሉበት ክፍተት እስከሚፈጠር ጠብቁ፡፡

ብስክሌት በምትነዱ ሰዓት ሙዚቃ እየሰማችሁና ሞባይል ስልክ እያናገራችሁ አትንዱ ምክንያቱም እነዚህ ነገሮች ሃሳባችሁን ይሰርቁታል፡፡ለኣደጋም ያጋልጣሉ።

በቆሙ መኪኖች በኩል እየነዳቹ ከሆነ ተጠንቀቁ ምክንያቱም ሊንቀሳቀሱ ወይም የመኪና በር ሊከፈት ይችላል፡፡

ላልተጠበቀ አደጋ ይዳርጋችሁዋል።

 

ብስሌት ማቆም

 

ብስክሌታችሁን ስታቆሙ ለብስክሌቶች ተብሎ በተዘጋጀ ቦታ ላይ አቁሙ፡፡

ብስክሌታችሁን ቆልፋችሁ አስቀምጡ፡፡

 

የሚሻገሩ እግረኞች

 

እግረኞች በቀኝ መንገድ ስለሚሄዱ ምንግዜም በዜብራ እንዲሻገሩ አቁሙላቸው፡፡

 

በእንስሳቶች አጠገብ ብስክሌት መንዳት

 

ከእንስሳቶች ወይም ከጋሪዎች ራቅ ብላችሁ ንዱ።

 

በመኪና መጓዝ

 

ምንግዜም ቀበቶ እሰሩ።

በመስኮት መውጣት ወይም እጅን ማውለብለብ እቃ መጣል ወይም ማንጠልጠል አይቻልም፡፡

ሹፌሩ የሚያይበትን መስታወት አትከልሉ፡፡

ሹፌሩን  በማናገር ሀሳቡን አትስረቁት፣ መኪና ውስጥ አትጩሁ፣ አትጫወቱ ምክንያቱም ሹፌሩ ሀሳቡን ሰብስቦ ማሽከርከር አለበት፡፡

የመኪናውን በር ወይም መስኮት መክፈት ያለባችሁ ወላጆቻቹ ሲያዝዋችሁ ብቻ ነው፡፡

 

በአቶቢስ መጓዝ

 

አቶቢስ በምትጠብቁበት ጊዜ በመንገድ ዳር ቁሙ በአውቶቢስ ማቆምያ ላይ እንዳትጫወቱ፡፡

ተራችሁን ጠብቁ ከመግባታችሁ በፊት የሚወርዱትን ጠብቁ ፡፡

ሌሎች ተሳፋሪዎችን አትግፋቸው፡፡

ከአውቶቢስ ከወረዳችሁ በኋላ የምትሻገሩ ከሆነ አውቶቢሱ ተነስቶ እስከሚሄድ ጠብቁ፡፡

 

 
 

 

Seyfu Mekonen

Seyfu Mekonen is a founder and administrator of ethiosafety.com. As a founder and administrator he is responsible for free and up to date safety and security informations. He can be reached: seyfu2002@yahoo.com

You are here: Home Safety Family safety የመንገድ ደህንነት ለልጆች